පත්‍ර තුඩු අගිනුත් අහසෙනුත් පොද වැටෙයි
ජනේලය ළඟට වී නරඹමි වීදුරුවෙන්
හිරිකඩ හමා එන
පොද තෙමා එන
මේ කඳුකර නිහැඬියාව
කඳුකර භූමීන් වෙත මිනිසුන් ආවෝ
ජීවිතය සොයාගෙන
ගස් වැල් ගොමු මැද සීතලට
උණුසුම් තේ තිබේ
නොනිමුණු ලිප් තිබේ
පැණි රසය ඉතිරෙන පෙණ දමන
ලියන මේසයට පැමිණෙන උණුසුම් කහටද සමග
මං ඔබ වෙතට එන්නා සේ
මේ කඳු මග
මා වෙතට ආවෝ
එන්න දැන් මා වෙතට
කඳුකර අභ්‍යන්තරය විනිවිද
මල් බලන්නට
ඈත වනපෙත්වලින්
කැකුළු මල් පූදින බව
මේ වැසි අස්සේ
එන්න යන්නට මාත් එක්ක ම
මල් බලන්නට
