මහා හෙල් ගිරි මුදුන්වල පිහිටා ලූ
එගම්දොර වෙත
ඔවුහු පයින් යති කිසිත් නොකියා මැසිවිලි
හති කඩමින් ඉසිඹු ලා
ගමන් මලු රැගෙන
සර්ප වග වලස් කඳු අග
පිහිටා තිබෙන නිවසට
නොඅසන්න මහ කිවිඳ මාගෙන්
කවරක් ද උන් කරන කලා කටයුතු
නැත මා බඳින පිළිතුරු
උන් පළමුවෙන් හිරු දකින මිනිසුන්ය
මීදුමේ මල් පිපෙනු
සීතල තේ වතුර හා මුසු කරනු
දැක තිබේ මා
කලුවර පතිත වන විට කඳු මත
එමෙන්ම අරුණලු නැගෙන විට
පහළ නිම්නය දෙස බලා සිටිනා
මා වෙත ගම්මු කියති
රැඳී නොසිට යනු යැයි
නගරයට
රඟහලක් පොත්හලක් විදුහලක් ඇති බිමද
ඔබ කියන මහා ලොව තනා දෙන මා වෙතට
පහළ නිම්නය පෙනෙන ගම්බිමේ අසිරියට
නෙත් කෙවෙනි පාරවන ලස්සනය මට පුදුම
මෙකඳුකර වැසියෝ
අඩි පාර ඔස්සේ
කඳු නගින මිනිසුන් ය
එමග වෙත මම ද යමි
නැත අනෙක් අන් ගමන
